«كل اللي غيّره المسيح بخصوص العهد القديم خلاص اتغير، لكن اللي مجابش سيرته في العهد الجديد يبقى ساري»
دي جملة كتير مننا بيسمعها، وطبعًا مش عارف إذا أي حد أصولي من الأصوليين الأمريكان سمع الجملة دي هيكون رد فعله إيه غير إنه هيتصدم من الأصوليين اللي بيفهموا الكتاب المقدّس بكوكتيل عجيب بيخلط الأصولية بالجهل. إيه مشكلة جملة زي دي؟
بتعتبر إن المسيح نفسه عبد للكتاب المقدّس، إنه جاي وكأنه من ضمن الكتبة وعلماء الشريعة بس تيار مضاد وكان المفروض يقضي رسالته في إنه يمسك سفر سفر من العهد القديم ويغيره، وبالمرة يكتب ويعمل تلاميذ ينشروا كتابات في مخطوطات!
الجملة دي فيها اتهام لجميع الكنايس بما فيها الكنايس اللي الأشخاص دول بيتبعوها، لأن كل الكنايس مش بتطبق تقريبا ولا حاجة من الحاجات اللي منقدهاش أو غيرها حرفيا أو بالذكر من العهد القديم.
الأصوليين المسيحيين الشرقيين انتقائيين، يعني بيختاروا الحاجات خصوصا الحاجات اللي بتشغل فكر الوهابيين زي المرأة والنجاسة والخ.
وأخيرًا لوخز الأصوليّة، اطلب من أي حد مسيحي أصولي شرقي بيقول الجملة دي أنه يفتح سفر تثنية الاشتراع أو اللاويين وفرّجه بقى ليه لا هو ولا كنيسته أيا كانت مش بتطبق الحاجات دي على الرغم من إنه حسب رأيه وجملته المسيح مجابش سيرتها؟
فاثبتوا إذا في الحرية التي قد حررنا المسيح بها، ولا ترتبكوا أيضا بنير عبودية.
ها أنا بولس أقول لكم: إنه إن اختتنتم لا ينفعكم المسيح شيئا!
لكن أشهد أيضا لكل إنسان مختتن أنه ملتزم أن يعمل بكل الناموس.
قد تبطلتم عن المسيح أيها الذين تتبررون بالناموس. سقطتم من النعمة.
لأنه في المسيح يسوع لا الختان ينفع شيئا ولا الغرلة، بل الإيمان العامل بالمحبة.(غلاطية ٥: ١- ٥)
إن المسيح قد حررنا تحريرا، فاثبتوا إذا ولا تدعوا أحدا يعود بكم إلى نير العبودية. ها هو بولس يقول لنا: إذا اختتنتم، فلن يفيدكم المسيح شيئا. وأشهد مرة أخرى لكل مختتن بأنه ملزم أن يعمل بالشريعة جمعاء. لقد انقطعتم عن المسيح، أنتم الذين يلتمسون البر من الشريعة، وسقطتم عن النعمة. فنحن بالروح ننتظر ما نرجوه من البر الآتي من الإيمان.
صدر للكاتب:
كتاب نقدي: اللاهوت السياسي، هل من روحانية سياسية؟
تعريب كتاب جوستافو جوتييرث: لاهوت التحرير، التاريخ والسياسة والخلاص
تعريب كتاب ألبرت نوﻻن الدومنيكاني: يسوع قبل المسيحية
تعريب أدبي لمجموعة أشعار إرنستو كاردينال: مزامير سياسية
تعريب كتاب البابا فرانسيس: أسرار الكنيسة ومواهب الروح القدس