أثار موضوع مناداة أحد الأشخاص بحدوث معجزة معاه إلى لغط كبير وتحول الموضوع لترند. وعشان كده الصراحة مكنتش عاوز أعلّق على الموضوع، ولكن بناءًا على طلب بعض الأصدقاء أحب ألخص موضوع المعجزات حسب تعليم أو تعامل ال:

١. أولًا المعجزة مش سبب في الإيمان، ولكن الإيمان هو السبب في المعجزة وعلشان كده هنلاقي في إنجيل متّى:

 «ولم يكثر من المعجزات هناك لعدم إيمانهم»

(إنجيل متى ١٣: ٥٨)

يسوع نفسه مكانش بيستخدم معجزات عشان الناس تؤمن بيه بقدر ما كان بيقنعهم بالحوار وبالأمثلة والمثال ومن الكتاب المقدّس نفسه.

٢. إيه اللي بيحصل لما شخص يقول إنه حدث معاه معجزة؟

ناخد مثل من اللي بيحصل في مدينة لورد في فرنسا: إذا أي شخص بيقول إنه حصل معاه معجزة، لازم يتعرض على لجنة طبيّة متخصّصة. يرأس اللجنة دي في لورد طبيب ملحد وده بطلب من الكنيسة! اللجنة الطبيّة بتقول كلمتها. بالطبع العلم والطب ميعرفش شيء اسمه معجزة. كل ما يمكنه القول علميًا: وفقًا للمستوى العلمي اللي وصلنا له النهاردة، مش لاقيين تفسير لهذه الحالة. هنا فقط تقدر الكنيسة تقول إن دي معجزة؟ طبعًا ممكن! بس برضه مننساش الجملة المهمة «وفقًا للعلم اللي وصلنا له لحد النهاردة مفيش تفسير» يعني ممكن بكره يكون في تفسير.

طيب الحالات دي كتير؟ من كل ١٠ آلاف حاله بتبلغ إن حصل معاها معجزه شفاء، اللجنة الطبية بتتوقف فقط عند أقل من ١٠ حالات “لا تجد لها تفسير علمي متاح اليوم”!

طيب هل معنى كده إنّ باقي الـ ١٠ آلاف مخابيل ومدروشين؟ بالطبع صعب نقول ده، لأن في حقيقة واحدة، وهي إنه مع استمرار الأشخاص دول على العلاج الطبي، حدث طفرة في العلاج نتيجة شيء آخر. قد يكون “إيمان الأشخاص” واستعدادهم النفسي للشفاء في هذا أو ذاك المكان. قد تكون “روح التضامن والصلاة” في هذا أو ذاك المكان، فهذا قد يساهم في تطور والحصول على نتيجة مع الاستمرار في الإشراف الطبّي. فإذن المفهوم الشعبي للمعجزة يختلف تمامًا عن المفهوم الكنسي وكمان عن المفهوم العلمي أو الفكري.

بخصوص المعجزات في الأناجيل هحط فيديو عملته مع الأصدقاء مؤمن سلام وأيمن عجمي وإرنست وليم.

 

كيف تقيّم هذا المقال؟

← إتجاه ← التقييم ← اﻷعلى ←

المتوسط الحالي حسب تقييمات من القراء

كن أوّل من يقيّم هذا المقال

بما أن المقال أعجبك..

ربما اﻷفضل مشاركته مع دوائرك كي يحظى بانتشار أوسع

من المحزن أن يكون تقييمك للمقال سلبيا

دعنا نعمل على تحسين ذلك

أخبرنا.. كيف يمكن تحسين المقال؟

جون جابريل
راهب في معهد الدراسات الشرقية للآباء الدومنيكان   [ + مقالات ]

صدر للكاتب:
كتاب نقدي: ، هل من روحانية سياسية؟
تعريب كتاب جوستافو جوتييرث: ، التاريخ والسياسة والخلاص
تعريب كتاب ألبرت نوﻻن الدومنيكاني: يسوع قبل المسيحية
تعريب أدبي لمجموعة أشعار إرنستو كاردينال: مزامير سياسية
تعريب كتاب ال: ومواهب الروح القدس

‎ ‎ نحاول تخمين اهتمامك… ربما يهمك أن تقرأ أيضًا: ‎ ‎